സ്വപ്നം മരിച്ചരാ -
വെത്തുന്നു.
സ്വാസ്ഥ്യം നരച്ച്
നാറ്റം ചുരത്തുന്നു.
നീ-
യേതു തെരുവില്...
ഏതു സത്രത്തില്...
ഏതു രാഹുവിന്
പുളപ്പിന്ന്...?
ചത്ത വീടി-
ന്നുള്മുറിയിടങ്ങള്...
മുട്ടിയും ,ഉരുമ്മിയും
സഞ്ചരിക്കുന്നൂ ജഡങ്ങള്.
ഉച്ചരിച്ചീടാന്
ഒരു വാക്കിന്റെ മുറിത്തുണ്ട്
നഷ്ടമായ നാവ്
കുഴഞ്ഞടിയുന്നു.
സ്വപ്നം
മരിച്ച വീട്.
മുറിച്ചു വച്ച
മാംസത്തുണ്ടു പോലെ
ഈച്ചയാര്ക്കുന്നു.
അറ്റുവീണ വിരല്ത്തുമ്പില്
തക്ഷകന്റെ
ഉടലടയാളം.
പീളയടി-
ഞ്ഞിഴുകിയ കണ്ണ്.
കെട്ട കാതു്.
അറുത്തെറിഞ്ഞ പുല്ലിംഗം.
എവിടെയോ
വരണ്ട മണ്ണടരുകള്-
ക്കിടയില്
കിടപ്പിടം ഒരുങ്ങുന്നു.
സമയമാകുന്നു ...
സ്വപ്നം
മരിച്ച രാവു്.
സ്വാസ്ഥ്യം നരച്ചു്...
നാറുന്ന വീടു്..!
-ഠ -
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ